Ղեկավարի օգնական

Պաշտոնի նկարագրություն՝

Evoca-ն փնտրում է կազմակերպչական բարձր հմտություններով և նախաձեռնող ղեկավարի օգնական՝ կազմակերպության հիմնական բիզնես բլոկների, այդ թվում՝ ֆինանսների, վարկավորման, մարքեթինգի, իրավաբանական և այլ գործառութային ոլորտների ղեկավարներին վարչական և գործառնական աջակցություն տրամադրելու համար։ Այս հաստիքը նախատեսված է տարբեր կրթություն և կարիերայի հետաքրքրություններ ունեցող թեկնածուների համար՝ դիմորդներին հնարավորություն տալով աջակցել այն բիզնես բլոկին, որն առավելագույնս համապատասխանում է նրանց որակավորմանը, գիտելիքներին կամ կարիերայի ձգտումներին։ Ղեկավարի օգնականը կարևոր դեր կունենա ստորաբաժանումների գործունեության անխափան համակարգման, հաղորդակցության և իրականացման ապահովման գործում։

Ի՞նչ կստանաք։

Մենք հանձնառու ենք ապահովելու, որ յուրաքանչյուր ոք կարողանա լիարժեք զարգանալ իր աշխատանքում՝ ստեղծելով բարեկեցությանը նպաստող աշխատանքային միջավայր և տրամադրելով արտոնությունների հարուստ փաթեթ, կարիերայի և անձնական զարգացման լայն հնարավորություններ։ Միանալով Evoca-ին՝ դուք կստանաք՝

• առողջության ապահովագրություն;
• ճանապարհորդական ապահովագրություն;
• Evoca-ի պրոդուկտներից և ծառայություններից օգտվելու արտոնյալ պայմաններ;
• տոնական և տարեվերջյան պարգևավճարներ;
• ամուսնության, երեխայի ծննդյան կապակցությամբ պարգևավճարներ;
• վճարովի ազատ օրեր;
• սպորտային փաթեթ;
• անգլերենի դասընթացներ;
• շարունակական ուսուցման և զարգացման լայն հնարավորություններ (մասնակցություն միջազգային համաժողովների, արտասահմանյան գործուղումներ, միջազգային հավաստագրեր ստանալու և աշխարհի առաջատար համալսարաններում սովորելու հնարավորություններ)։

Ի՞նչ աշխատանք եք կատարելու։

• վարել Բլոկի ղեկավարի օրացույցները, կազմակերպել ժողովները, հանդիպումները և ուղևորությունները;
• պատրաստել հաշվետվություններ, շնորհանդեսներ, գրագրություն և հանդիպումների արձանագրություններ;
• համակարգել ներքին ստորաբաժանումների և արտաքին շահագրգիռ կողմերի միջև հաղորդակցությունը;
• համակարգել և պահպանել գաղտնի ֆայլերը, գրառումները և փաստաթղթերը;
• հետևել կատարման ենթակա գործողություններին, վերջնաժամկետներին և չավարտված առաջադրանքների կատարման ընթացքին;
• աջակցել Բլոկի ղեկավարին ամենօրյա վարչական և գործառնական աշխատանքներում;
• աջակցել ստորաբաժանման հաշվետվությունների և բիզնեսին առնչվող փաստաթղթերի պատրաստմանը;
• մասնագիտական և բարեկիրթ մոտեցմամբ դիմավորել հյուրերին, հաճախորդներին, գործարար գործընկերներին և այցելուներին;
• համակարգել հանդիպումների սրահների նախապատրաստումը և ապահովել այցելուների հարմարավետ տեղավորումը;
• կատարել հանձնարարված այլ վարչական պարտականություններ։

Ի՞նչ հմտություններ ենք փնտրում։

• բիզնեսի կառավարման, ֆինանսների, հաշվապահական հաշվառման կամ հարակից ոլորտի բակալավրի աստիճան;
• ֆինանսների, հաշվապահական հաշվառման, մարքեթինգի, իրավունքի կամ հարակից բիզնես գործառույթների վերաբերյալ հիմնական գիտելիքները առավելություն են։
• հայերենի, ռուսերենի և անգլերենի բարձր մակարդակի իմացությունը պարտադիր է։ Ֆրանսերենի իմացությունը խիստ ցանկալի է և կդիտվի որպես լրացուցիչ առավելություն;
• կազմակերպչական բարձր հմտություններ և միաժամանակ մի քանի առաջադրանք կատարելու կարողություն;
• բանավոր և գրավոր հաղորդակցման գերազանց հմտություններ;
• MS (Word, Excel, PowerPoint, Outlook) ծրագրերի լավ իմացություն;
• գաղտնիությունը պահպանելու և զգայուն տեղեկատվության հետ մասնագիտորեն աշխատելու կարողություն;
• մանրամասների նկատմամբ մեծ ուշադրություն և խնդիրներ լուծելու կարողություններ;
• հաճախորդների սպասարկմանն ուղղված մտածելակերպ և բարձրաստիճան ղեկավարների, գործընկերների ու այցելուների հետ վստահ շփվելու կարողություն։

Խնդրում ենք ձեր ինքնակենսագրությունն ուղարկել cv@evoca.am հասցեին՝ էլեկտրոնային նամակի թեմայի տողում նշելով "Ղեկավարի օգնական"։