Տեղեկատվական անվտանգության համակարգի կառավարման բաժնի պետ

Մենք փնտրում ենք հաղորդակցման բարձր հմտություններով և վերլուծական մտածողությամբ Տեղեկատվական անվտանգության համակարգի կառավարման բաժնի ղեկավար, ով պատասխանատու կլինի բաժնի ռազմավարական ուղղությունների իրականացման և գործառնական կառավարման համար:

Աշխատանքային պարտականություններ

• Իրականացնել տարեկան ծրագրի և կատարողականի կառավարում, ապահովել բաժնի խնդիրների իրականացումը`
• ISO/IEC 27001 միջազգային տեղեկատվական անվտանգության ստանդարտի պահանջներին համապատասխանող տեղեկատվական անվտանգության կառավարման համակարգի (այսուհետ՝ ՏԱԿՀ) կառավարման և բարելավման գործընթացների ապահովումը
• Կենտրոնական Բանկի տեղեկատվական անվտանգության (այսուհետ՝ ՏԱ) քաղաքականության արդիականացման ապահովումը։ Կենտրոնական Բանկում գործող ՏԱԿՀ-ի կառավարման կարգերի և կանոնակարգերի մշակումը և արդիականացումը:
• Հայստանի հանրապետության օրենքներով, Կենտրոնական Բանկի ներքին իրավական ակտերով, ՏԱ քաղաքականությամբ և ՏԱԿՀ-ի կառավարման կարգերով և կանոնակարգերով սահմանված պահանջների կատարման վերահսկումը
• Կենտրոնական Բանկի ՏԱԿՀ-ի վերահսկողության սահմաններում ներգրավված ՏՏ համակարգերի և գործընթացների համար կազմակերպում և իրականացնում է տեղեկատվական անվտանգությանը սպառնացող վտանգների և ռիսկերի (ինչպես արտաքին, այնպես էլ ներքին) հայտնաբերման, գնահատման և գույքագրման աշխատանքները։
• Կառավարում է Կենտրոնական Բանկի տեղեկատվական և կիբերանվտանգության հատուկ awareness training հարթակը՝ իրազեկում աշխատակիցներին ՏԱ քաղաքականության և/կամ ՏԱԿՀ-ի կառավարման կարգերի փոփոխությունների մասին
• Մասնակցում է Կենտրոնական Բանկի կարիքների համար նախագծվող/ներդրվող համակարգերի և ծառայությունների աշխատանքներում որպես ՏԱ ռիսկերի գնահատման մասնագետ՝ առաջարկում ռիսկերի կառավարման ուղիներ
• Համակարգել բաժնի ընթացիկ աշխատանքները՝
• գործառույթների բաշխում/վերաբաշխում
• աշխատակիցների կողմից իրականացվող ընթացիկ աշխատանքների կազմակերպում և վերահսկում, դրանց անընդհատության ապահովում
• աշխատակիցների համագործակցության ապահովում բաժնի ներսում և այլ ստորաբաժանումների հետ։
• Մասնակցել քննարկումներին, նիստերին և ներկայացնում բաժնի տեսակետը
• Պլանավորել ենթակայության ներքո գտնվող աշխատակիցների կարիերան և տրամադրել մասնագիտական կայացման աջակցություն, մենթորություն և քոուչինգ

Անհրաժեշտ հմտություններ

• Բարձրագույն տեխնիկական կրթություն
• 5 տարվա աշխատանքային փորձ ոլորտում, որից 3 տարին ցանկալի է ֆինանսական հատվածում և 2 տարին ղեկավար պաշտոնում
• Տեղեկատվական անվտանգության միջազգային ստանդարտների և աշխատակարգերի իմացություն (ISO 2700x, NIST 800.x, Cyber Essentials և այլն)
• Microsoft ընկերության Windows Workstation/Servers օպերացիոն համակարգերի, Microsoft Active Directory, ADFS, Exchange համակարգերի անվտանգության կարգաբերումների և քաղաքականությունների կառավարման խորացված իմացություն
• Unix/Linux օպերացիոն համակարգերի և դրանցում կիրառվող ծառայությունների անվտանգության կարգաբերումների և քաղաքականությունների կառավարման խորացված իմացություն
• Համակարգչային հաշվողական ցանցերի LAN/WAN/WiFi հիմունքների խորացված գիտելիքներ
• Տեղեկատվական անվտանգության խախտումների և միջադեպերի հետազոտման և կառավարման փորձ
• Տեղեկատվական ակտիվների գույքագրում, տեղեկատվական ակտիվների նկատմամբ անվտանգության պահանջների մշակում և սահմանում, պահանջների կատարման վերահսկում
• Համակարգերում իրադարձությունների (լոգերի) մշտադիտարկում, խախտումների և պատահարների վերլուծում, արձանագրում, արձագանքում
• Կատարված աշխատանքների հաշվետվությունների կազմում
• Ոլորտին վերաբերող ՀՀ և միջազգային օրենքների իմացություն
• Հայերեն լեզվի բանավոր և գրավոր գերազանց իմացություն
• Անգլերենի և ռուսերենի լավ իմացություն

Ինչպես նաև

• Առաջնորդման հմտություն և թիմի ղեկավարում
• Ռազմավարական մտածելակերպ
• Գրավոր և բանավոր հաղորդակցման բարձր հմտություն
• Բանակցելու ունակություն
• Սեփական էմոցիաները կառավարելու և այլ անձանց էմոցիաները հասկանալու և ուղղորդելու ունակություն
• Միջանձնային հարաբերություններ կառուցելու և համագործակցության ունակություն
• Աշխատակիցներին մոտիվացնելու և խրախուսելու կարողություն
• Հետադարձ կապ տալու և ակտիվ լսելու ունակություն
• Որոշումներ կայացնելու ունակություն

Լրացուցիչ տեղեկություն

Միայն նախնական փուլում ընտրված դիմորդները կտեղեկացվեն մրցույթի հաջորդ փուլերի մասին

Լրացուցիչ տեղեկությունների և պարզաբանումների համար կարող եք զանգահարել՝ (+37410) 592-592

51-19

Անձնակազմի և կորպորատիվ մշակույթի տնօրինություն