Հաճախորդների հետ հարաբերությունների մասնագետ

Մենք փնտրում ենք Հաճախորդների հետ հարաբերությունների մասնագետ, ով պատասխանատու կլինի ՀՀ կենտրոնական բանկի վճարային ենթակառուցվածքների արդյունավետ և անխափան գործունեության ապահովման, շուկայի մասնակիցների հետ հարաբերությունների կառավարման, ինչպես նաև վճարահաշվարկային գործառնություններին առնչվող գործընթացների նախագծման, փաստաթղթավորման և փոփոխությունների կառավարման համար։

Աշխատանքային պարտականություններ

• Մշակել և փաստաթղթավորել ԿԲ համակարգերի մասնակիցների (հաճախորդների) հետ հարաբերություններին առնչվող գործընթացները՝ ներառյալ հաճախորդների գրանցումը (onboarding), հաճախորդների կառավարումը, վճարային հաղորդագրությունների հետ կապված հարցերի պարզաբանումը, հաշվետվությունները և բիլինգը
• Կառավարել հաճախորդների պայմանագրերը
• Ապահովել ԿԲ ստորաբաժանումների միջև վճարային ծառայությունների մատուցման շրջանակում աշխատանքների և պարտականությունների սահմանումը, տարանջատումը և համաձայնեցումը
• Մշակել և իրականացնել գործընթացների և փոփոխությունների կառավարման պլաններ՝ ապահովելով անցումը ծառայությունների մատուցման նոր գործառնական մոդելի
• Կազմակերպել և վարել քննարկումներ, ուսուցումներ և աշխատաժողովներ շահագրգիռ ստորաբաժանումների և շուկայի մասնակիցների հետ
• Բացահայտել և գնահատել հաճախորդների հետ առնչվող գործընթացների ռիսկերը, իրականացնել ռիսկերի կառավարում:
• Կառավարել նոր վճարային պրոդուկտների ներդրում շուկայում՝ ապահովելով անհրաժեշտ փաստաթղթավորումը
• Ապահովել հետադարձ կապը հաճախորդների հետ: Հավաքագրել արձագանքները՝ ծառայությունները բարելավելու նպատակով
• Ստեղծել և ներդնել ծառայությունների շարունակական բարելավման մեխանիզմներ, որոնք ուղղված են հաճախորդների փորձառության լավացմանը

Անհրաժեշտ հմտություններ

• Բարձրագույն կրթություն գործարար վարչարարության, տնտեսագիտության կամ ֆինանսների ոլորտում
• Առնվազն 2 տարվա աշխատանքային փորձ վճարային, ֆինանսական, գործընթացների կառավարման կամ հաճախորդների հետ հարաբերությունների կառավարման ոլորտներում
• Բիզնես և գործառնական գործընթացների մոդելավորման գործիքների իմացություն (BPMN, UML կամ համանման)
• Գործընթացների կառավարման և օպտիմալացման մեթոդաբանությունների իմացություն (Lean, Six Sigma, TQM, Theory of Constraints)
• Վճարային համակարգերի, հաղորդագրությունների հոսքերի և հաշվարկային գործընթացների կազմակերպման իմացություն
• Համապատասխանության, ռիսկերի կառավարման և բիզնես շարունակականության սկզբունքների իմացություն ֆինանսական ոլորտում

Ինչպես նաև.

• Կազմակերպչական փոփոխությունների առաջնորդում
• Գործառնական մոդելների ներդրում
• Ռազմավարական հաղորդակցում
• Կառավարման հմտություններ՝ ներառյալ հաճախորդների հետ անմիջական աշխատանք
• Կառուցողական խնդիրների լուծում՝ հավասարակշռելով ծառայությունների որակը և համակարգի կայունությունը

Լրացուցիչ տեղեկություն

Միայն նախնական փուլում ընտրված դիմորդները կտեղեկացվեն մրցույթի հաջորդ փուլերի մասին

Լրացուցիչ տեղեկությունների և պարզաբանումների համար կարող եք զանգահարել՝ (+37410) 592-592 (51-19, 51-14)

Անձնակազմի և մշակույթի տնօրինություն