Հաշվապահական խորհրդատուի օգնական

Աշխատանքի նկարագրություն

Հաշվապահական խորհրդատուի օգնականի (կրտսեր հաշվապահի) մասնագիտական հաստիքը նախատեսված է հաճախորդներին ծառայություններ մատուցելու հարցում ավագ աշխատակիցներին աջակցելու համար։ Նա անմիջականորեն ենթարկվում է խմբի ղեկավարին և կարող է տարբեր առաջադրանքներ ստանալ խմբի ավագ աշխատակիցներից։

Պարտականություններ և պատասխանատվություններ

• Հաճախորդների տնտեսական գործառնությունների և դրանց առնչվող հաշվապահական սկզբնական փաստաթղթերի նախնական ուսումնասիրություն՝ հետագա մշակման համար։
• Բացահայտել փաստաթղթային էական բացթողումները և հնարավոր այլ առարկությունները։
• Գործառնությունների նախնական ուսումնասիրությունից հետո կազմել բոլոր բարդ և անհասկանալի հարցերի ցանկը՝ դրանք ավագ աշխատակիցների ուշադրությանը ներկայացնելու համար։
• Գործառնությունների գրանցում ծրագրում՝ օրենսդրությանը և հաճախորդների քաղաքականություններին ու ընթացակարգերին համապատասխան։
• Աշխատել հարկային և վիճակագրական հաշվետվությունների, առցանց բանկային ծառայությունների հետ կապված թվային միջավայրում։
• Հետևել գրանցված տվյալներին, վերլուծել և համադրել դրանք՝ ճշգրտությունն ապահովելու համար։
• Աշխատել առնվազն բազային մակարդակի էլեկտրոնային աղյուսակներով/հաշվապահական տվյալներով՝ մասնագիտացված հաշվապահական ծրագրից դուրս։
• Պատրաստ լինել ավագ աշխատակիցների այլ առաջադրանքներին

Որակավորում և պահանջներ

Բակալավրի աստիճան կամ համարժեք որակավորում ֆինանսների/հաշվապահական հաշվառման կամ տնտեսագիտության ոլորտում, ողջունվում են նաև ավարտական կուրսի ուսանողների դիմումները։

• Մասնագիտական փորձի առկայությունը կդիտվի որպես առավելություն։
• ՖՀՄՍ-ների, ՀՀ աշխատանքային և հարկային օրենսգրքերի հիմնական իմացություն,
• Էլեկտրոնային աղյուսակների և այլ համակարգչային ծրագրերի օգտագործման հիմնական հմտություններ և գիտելիքներ։ Հաշվապահական ծրագրերի հիմնական իմացությունը կդիտվի որպես առավելություն։
• Ավելին սովորելու մեծ ցանկություն և արագ ընկալելու կարողություն։
• Հայերենին տիրապետում, անգլերենի և ռուսերենի իմացություն։
• Պահպանել էթիկայի նորմերը, ունենալ մասնագիտական միջավայրին համապատասխան արտաքին տեսք և վարքագիծ, հաշվետվողականության բարձր մակարդակ։