Հաշվեքննիչ պալատը հայտարարում է ֆինանսական և համապատասխանության հաշվեքննության բնագավառի սկսնակ հաշվեքննողների (աուդիտորների) ծրագրի մեկնարկի մասին

Հրապարակվել է
16.11.2026
Վերջնաժամկետ
06.12.2026
Հայտնաբերվել է finjob-ում
16.11.2026
Վերջին հաստատումը աղբյուրում
21.11.2026 (1 օր առաջ)
Նոր հաստիքները՝ Telegram-ումԲաժանորդագրվեք Telegram ալիքին և առաջինն իմացեք նոր թափուր հաստիքների մասին@finjobam

📣 Եթե ուսանող ես կամ նոր շրջանավարտ և մտածում ես՝ որտեղից սկսել կարիերադ, ապա սկսնակ աուդիտորի այս ծրագիրը ՔՈ հնարավորությունն է։

Ո՞վ կարող է դիմել*

Ծրագրին կարող է դիմել յուրաքանչյուր ոք, ով՝

1️⃣ ՀՀ քաղաքացի է և մշտապես բնակվում է Հայաստանում,

2️⃣ Բակալավրիատի 3-րդ կամ 4-րդ կուրսի ուսանող է կամ արդեն ունի բարձրագույն կրթության դիպլոմ հետևյալ մասնագիտություններով՝

հաշվապահություն, տվյալագիտություն, ֆինանսներ, տնտեսագիտություն, կառավարում, ֆինանսական մաթեմատիկա,

3️⃣ Գերազանց տիրապետում է հայերենին,

4️⃣ Վարժ տիրապետում է անգլերենին (առնվազն B2 մակարդակ)։

Ծրագրի մասին

🟢 Հաշվեքննիչ պալատը մեր պետության բարձրագույն աուդիտորական մարմինն է։ Այս ծրագիրը նպատակ ունի ներգրավել և պատրաստել սկսնակ մասնագետների ֆինանսական և համապատասխանության աուդիտի ոլորտում։ Սա այն գործիքն է, որի միջոցով մենք նպաստում ենք հանրային հատվածում ֆինանսական կարգապահությանը։ Մեր աշխատանքը վերաբերում է մարդկանց կյանքի բոլոր կարևոր ոլորտներին՝ առողջապահությունից մինչև կրթություն, մաքուր շրջակա միջավայրից մինչև արդարադատություն, տնտեսական զարգացումից մինչև անվտանգություն, որոնցում կարող ես ունենալ քո իրական ներդրումը։

🟢 Ծրագրի տևողությունը մեկ տարի է և բաղկացած է երեք բաղադրիչից.

⇾ Դասընթաց.

Իր բովանդակությամբ ՀՀ-ում եզակի այս կրթական դասընթացը մասնակիցներին կտա աուդիտի բարձրագույն մարմինների միջազգային ստանդարտների (ISSAI) վրա հիմնված համակողմանի գիտելիքներ ֆինանսական և համապատասխանության աուդիտի վերաբերյալ։

⇾ Աուդիտորական նախագիծ.

Ծրագրի մասնակիցը կաշխատի իրական աուդիտորական նախագծում՝ որպես թիմի անդամ՝ ներգրավվելով աշխատանքների ընթացքին՝ նախագծի մեկնարկից մինչև ավարտը։

⇾ Աուդիտորի որակավորում.

Մասնակիցը կմեկնարկի աուդիտորի որակավորման (ACCA) իր ուղին։

🟢 Ծրագիրը հաջողությամբ ավարտած մասնակիցները կստանան Հաշվեքննիչ պալատում ծառայության անցնելու և հետագա կարիերային աճի հնարավորություն։

🟢 Վարձատրություն

Ծրագրի ողջ ընթացքում մասնակիցը կստանա ՀՀ-ում գործող Big10 աուդիտորական կազմակերպությունների սկսնակ մասնագետների միջին աշխատավարձին համարժեք վարձատրություն։

Ինչպե՞ս դիմել

📃 Այս փուլում անհրաժեշտ է միայն Դիմում լրացված կից ձևաչափի համաձայն։

📨 Դիմումն անհրաժեշտ է ուղարկել hr@armsai.am հասցեին։

⏳Դիմումների ներկայացման վերջնաժամկետը 2026 թվականի դեկտեմբերի 6-ն է։

Դիմումից հետո

➡️ Գրավոր թեստավորում. Սահմանված պահանջներին համապատասխանող դիմորդները կտեղեկացվեն գրավոր թեստավորմանը մասնակցելու մասին։ Այն ներառում է վերլուծական թեստ և անգլերեն լեզվի իմացության ստուգում։

➡️ Հարցազրույց. Գրավոր թեստավորումը հաջողությամբ հաղթահարած դիմորդները կտեղեկացվեն հարցազրույցին մասնակցելու մասին։

➡️ Աշխատանքի առաջարկ. Հարցազրույցը հաջողությամբ հաղթահարած մասնակիցներին, փաստաթղթերի վերջնական ստուգումից հետո, կառաջարկվի կնքել աշխատանքային պայմանագիր։

Ո՞ւմ ենք փնտրում

Մենք փնտրում ենք երիտասարդ տաղանդների, ովքեր.

📊 Ունեն վերլուծական հմտություններ. կարողանում են աշխատել թվերի ու տվյալների հետ, վեր հանել օրինաչափություններ.

🔎 Ունեն հետազոտական հմտություններ. խորանում են խնդիրների պատճառների մեջ, փնտրում ու գտնում դրանց լավագույն լուծումները.

💬 Ունեն լավ հաղորդակցման հմտություններ. գրավոր և բանավոր ուղերձները արդյունավետորեն հասցնում են դիմացինին.

📌 Պատասխանատու են ու կարգապահ իրենց վերապահված գործում.

🤝 Թիմային աշխատող են.

🚀 Դրսևորել են կրթության ու ինքնազարգացման ընդգծված հանձնառություն.

🇦🇲 Մոտիվացված են ծառայելու իրենց պետությանը՝ մասնագիտական, ապաքաղաքական աշխատանքով և դրական փոփոխություններ բերելու քաղաքացիների կյանքում։

  • Ծրագրի մասնակիցը պետք է չունենա դիմումի ձևում նշված սահմանափակումները։

📍 Աշխատավայր՝ ք. Երևան, Բաղրամյան 19

Հարցերի դեպքում կարելի է դիմել.

📧 hr@armsai.am

📞 +374 11 888 145, +374 11 888 123

Կցված ֆայլեր

Grant Thornton ArmeniaԵրևան

Աուդիտորթարգմանություն

Աուդիտ և հաշվապահական ծառայություններմինչև 30.11.2026EN