Բովանդակության մասնագետ (Content Writer)

Աշխատանքի նկարագրություն

Ամերիաբանկը փնտրում է Քոնթենթ ռայթերի, ով՝ որպես Մարքեթինգի և հաղորդակցության թիմակից, պատասխանատու է Բանկի բովանդակային ռազմավարության կյանքի կոչման, թվային հարթակների և արշավների համար որակյալ, գրավիչ ու նպատակային տեքստերի ստեղծման համար։ Նա ստեղծում և խմբագրում է բովանդակություն՝ ապահովելով բրենդի ձայնի (Brand Voice) միասնականությունն ու ճանաչելիությունը հաղորդակցման բոլոր ուղիներում։ Այս դերը պահանջում է ստեղծարար մտածողություն, գրագետ գրելու հմտություններ և թվային միջավայրում հաճախորդների հետ արդյունավետ հաղորդակցվելու կարողություն:

Աշխատանքային պարտականություններ

• Բովանդակության (կոնտենտի) մշակում և խմբագրում. Բանկի բլոգի, կայքի տեղեկատվական ու կրթական հոդվածների, սոցիալական մեդիայի բովանդակային հրապարակումների, ինչպես նաև տեղեկատվական ու պրոդուկտային այլ տեքստերի ստեղծում և առկա նյութերի խմբագրում։
• UX writing և թվային ինտերֆեյսների տեքստային լուծումներ. Բանկի թվային հավելվածների, կայքի և այլ թվային պրոդուկտների համար տեքստերի մշակում՝ ապահովելով պարզ, հասկանալի օգտատիրական փորձառություն (UX):
• Բովանդակային (Content) ռազմավարության իրականացում. Մարքեթինգային արշավների շրջանակում արժեքավոր, ուսուցողական և ներգրավող բովանդակության մշակում, որն ապահովում է թիրախային լսարանի իրազեկվածությունն ու վստահությունը բրենդի նկատմամբ։
• Տեղեկատվական հաղորդակցության պատրաստում. հաճախորդների և գործընկերների համար նախատեսված բովանդակային ու տեղեկացնող նամակների (e-mail newsletters, SMS, ծանուցումներ) տեքստերի մշակում։
• Կորպորատիվ բովանդակության և նյութերի պատրաստում. պաշտոնական հաղորդագրությունների, պրեզենտացիոն նյութերի, կորպորատիվ նամակների և հրավիրատոմսերի տեքստերի մշակում ու խմբագրում։
• Օրենսդրական և ընթացակարգային համապատասխանություն. Բովանդակության ստեղծման, UI/UX տեքստերի և հրապարակման ընթացքում ոլորտը կարգավորող օրենսդրության, Բանկի ներքին կանոնների ու ընթացակարգերի պահպանում։

Անհրաժեշտ հմտություններ

• Բարձրագույն կրթություն (լեզվաբանության, ժուռնալիստիկայի, մարքեթինգի կամ հարակից ոլորտներում)
• Նվազագույնը 2-3 տարվա համապատասխան աշխատանքային փորձ քոնթենթ գրելու, քոփիրայթինգի կամ խմբագրական ուղղությամբ
• Հայերենի և անգլերենի գերազանց իմացություն (ռուսերենի իմացությունը կդիտվի որպես առավելություն)
• Տեքստերի հետ աշխատելու, բարդ ինֆորմացիան պարզ և հասկանալի մատուցելու կարողություն
• Թիմում աշխատելու ունակություն և արագ կողմնորոշվելու հմտություն
• Մանրուքների նկատմամբ ուշադրություն, պատասխանատվության բարձր զգացում