Ծառայությունների որակի ապահովման առաջատար մասնագետ

Մենք փնտրում ենք փորձառու և նախաձեռնող Ծառայությունների որակի ապահովման առաջատար մասնագետի, ով կգլխավորի Ընկերությունում սպասարկման որակի ապահովման և հաճախորդների բողոքների կառավարման համակարգի, մեթոդաբանության ու հաշվետվողականության ներդրման, կայացման և շարունակական զարգացման գործընթացը։

Հիմնական պարտականություններ

• Որակի մշտադիտարկում և գնահատում․ Իրականացնել Մասնաճյուղերի և Կոնտակտային կենտրոնի սպասարկման որակի կանոնավոր գնահատում։
• Մեթոդաբանություն և ստանդարտներ․ Մշակել և թարմացնել որակի գնահատման գործիքակազմը, անցկացնել հանդիպումներ թիմերի հետ և մասնակցել սպասարկման ստանդարտների ու ընթացակարգերի մշակմանը։
• Սպառողների իրավունքների պաշտպանության վերահսկողություն․ Ապահովել ՀՀ ԿԲ պահանջների և ներքին կանոնակարգերի պահպանումը, իսկ խախտումների դեպքում իրականացնել անհրաժեշտ կոմունիկացիա համապատասխան ստորաբաժանումներին։
• Հաճախորդների բողոքների կառավարում․ Ընդունել, գրանցել, ուսումնասիրել և լուծել հաճախորդների բողոքները՝ ապահովելով պաշտոնական պատասխանների տրամադրումը ՀՀ ԿԲ և ներքին ընթացակարգերով սահմանված ժամկետներում։
• Համագործակցություն Ֆինանսական համակարգի հաշտարարի հետ․ Ներկայացնել Ընկերության դիրքորոշումը Ֆինանսական համակարգի հաշտարարի գրասենյակում, պատրաստել անհրաժեշտ փաստաթղթերը և համակարգել ՀՀ ԿԲ հարցումների պատասխանները։
• Խնդիրների արմատական վերլուծություն և հետադարձ կապ․ Վերլուծել համապատասխան ցուցանիշներն ու բողոքների տրենդները, վերհանել համակարգային խնդիրները, տրամադրել կառուցողական հետադարձ կապ, ներկայացնել բարելավման առաջարկներ և վերհանել վերապատրաստման կարիքները։
• Հաշվետվողականություն․ Կազմել որակի գնահատման և բողոքների վերլուծության ամսական ու պարբերական հաշվետվություններ Ղեկավարության և ՀՀ ԿԲ-ի համար։

Հիմնական պահանջներ

• Կրթություն․ Բարձրագույն տնտեսագիտական, ֆինանսական կամ կառավարման ոլորտում։
• Փորձ․ Սպասարկման որակի (QA), բողոքների կառավարման կամ Կոնտակտային կենտրոնի վերահսկողության փորձ (ֆինանսաբանկային ոլորտում փորձը ցանկալի է)։ Զանգերի և բողոքների վերլուծության, ինչպես նաև գործընթացների ներդրման փորձը կդիտվի առավելություն։
• Գիտելիքներ․ Վարկերի, ֆինանսական ծառայությունների և պարտքերի հավաքագրման գործընթացների իմացություն։ ՀՀ ԿԲ սպառողների իրավունքների պաշտպանության կարգավորումների իմացությունը ցանկալի է։
• Տեխնիկական հմտություններ․ MS Office (հատկապես Excel), CRM և Contact Center/զանգերի ձայնագրման համակարգերի հետ աշխատանքի փորձ։
• Անձնային հմտություններ․ Վերլուծական մտածողություն, ուշադրություն մանրուքների նկատմամբ և բանակցային/հաղորդակցման հմտություններ։
• Լեզուների իմացություն։ Անգլերենով հաղորդակցվելու հմտությունը կդիտվի որպես առավելություն։

Արտոնությունների փաթեթ

• Մրցակցային աշխատավարձ
• Բոնուսներ (կախված է կազմակերպության կատարողականից)
• Բժշկական ապահովագրություն
• Պարգևատրումներ ամուսնության և երեխայի ծննդյան կապակցությամբ
• Դասընթացներ
• Կորպորատիվ միջոցառումներ
• Միջազգային կազմակերպությունում աճելու և զարգանալու հնարավորություն