Լիզինգային գործառնությունների ծառայության պրոդուկտ մենեջեր

Զարգացնել բանկի լիզինգային ծառայությունների վաճառքները՝ նոր ենթապրոդուկտների ստեղծման, մատակարարների հետ շահավետ/էքսկլյուզիվ համագործակցության հաստատման, ֆինանսավորման նոր աղբյուրների ներգրավման և պետական ծրագրերի արդյունավետ կիրառման միջոցով։

Աշխատանքային պարտականություններ

• Մշակել և ներդնել նոր լիզինգային ենթապրոդուկտներ՝ հիմնվելով շուկայի պահանջարկի և հաճախորդների կարիքների վրա
• Վերլուծել շուկան և բացահայտել աճի նոր ուղղություններ, որոնք կարող են նպաստել վաճառքների ընդլայնմանը
• Հաստատել և զարգացնել համագործակցություն մատակարարների հետ՝ ապահովելով բացառիկ կամ արտոնյալ պայմաններ հաճախորդների համար
• Մշակել համատեղ առաջարկներ մատակարարների հետ՝ խթանելու վաճառքների ծավալները
• Ներգրավել նոր ֆինանսական գործընկերներ և ֆոնդեր՝ լիզինգային ծրագրերի մրցունակությունը բարձրացնելու նպատակով
• Աշխատել պետական մարմինների և ծրագրերի հետ՝ սուբսիդավորման, համաֆինանսավորման կամ աջակցության այլ մեխանիզմների կիրառման միջոցով
• Կազմակերպել և իրականացնել պրոդուկտների ներկայացումներ, արշավներ և վաճառքի խթանման միջոցառումներ
• Սերտ համագործակցել վաճառքի և մարքեթինգի թիմերի հետ՝ ապահովելով մշակված լուծումների արդյունավետ շուկայավարում և իրականացում
• Ապահովել վաճառքի պլանների իրականացումը՝ նոր գործիքների և մեխանիզմների կիրառմամբ

Անհրաժեշտ պահանջներ

• Բարձրագույն կրթություն (նախընտրելի է տնտեսագիտության, ֆինանսների կամ բիզնեսի ոլորտում)
• Առնվազն 1 տարվա աշխատանքային փորձ վաճառքի կամ ֆինանսական ոլորտում (լիզինգի փորձը կդիտվի որպես առավելություն)
• Գերազանց հաղորդակցման և ներկայացման հմտություններ
• Բանակցությունների վարման և գործարքների հաջող փակման հմտություններ
• Հաճախորդակենտրոն մտածելակերպ և հարաբերությունների կառուցման կարողություն
• Վերլուծական մտածողություն և խնդիրների լուծման կարողություն
• Վաճառքի պլանավորման և արդյունքների վերլուծության կարողություն
• Համակարգչային գիտելիքներ (MS Office, AS Bank)
• Հայերեն լեզվի գերազանց իմացություն (գրավոր և բանավոր)
• Ռուսերեն և/կամ անգլերեն լեզուների իմացություն