Սոցիալական մեդիաների համայնքի գծով համակարգող

Աշխատանքի նկարագրություն

Սոցիալական մեդիաների համայնքի գծով համակարգողը Կներկայացնի և կզարգացնի Ամերիաբանկի թվային ներկայությունը սոցիալական մեդիայի բոլոր հարթակներում, ենթաապրանքանիշների էջերում և համապատասխան առցանց համայնքներում։ Սոցիալական մեդիայի և սեփական թվային հարթակների պրակտիկայի ղեկավարի անմիջական հսկողության ներքո կձևավորի և կպահպանի դրական ու ներգրավող թվային հարաբերություններ՝ խթանելով ակտիվ երկխոսությունը լսարանի հետ, ամրապնդելով ապրանքանիշի թվային ընկալումը և ապահովելով հաճախորդների հարցումների արագ, հետևողական և որակյալ արձագանքումը։ Դերը կներառի նաև համայնքի առօրյա կառավարման, թվային հաղորդակցության, արձագանքների մոնիթորինգի և սահմանված աշխատանքային հոսքերի միջոցով customer experience-ի շարունակական բարելավման գործընթացները։

Աշխատանքային պարտականություններ

• Համայնքի ներգրավվածություն․ hետևել և մասնակցել ապրանքանիշի և ենթաապրանքանիշների ներկայացման հիմնական ալիքներով և համայնքային հանգույցներով (community hub) իրական ժամանակում անցկացվող քննարկումներին, մեկնաբանություններին և ուղիղ հաղորդագրություններին՝ խստորեն պահպանելով ապրանքանիշի գծով հաղորդակցման ոճը, հաղորդակցման ուղեցույցներն ու հաղորդագրությունների շրջանակները։
• Համայնքի զարգացում․ aջակցել համայնքի զարգացման նախաձեռնությունների, այդ թվում ինտերակտիվ ձևաչափերի, ներգրավման ծրագրերի, համայնքների ակտիվացման և առաջնահերթ կարևորություն ներկայացնող լսարանների հետ հարաբերությունների հաստատմանը, պահպանմանը և զարգացմանն ուղղված նախաձեռնությունների իրականացմանը։ Հետևել համայնքի աճին և ներգրավվածությանը և ներկայացնել առաջարկություններ համայնքի կենսունակության և մասնակցության բարելավման համար:
• Խնդիրների լուծում և էսկալացում․ ]անոթանալ հաճախորդների հարցումներին կամ սպասարկմանն առնչվող խնդիրներին, կիրառել համայնքի կառավարման սահմանված չափանիշները և համագործակցել ներքին պրոդուկտային թիմերի, սպասարկման որակի ապահովման և հասարակայնության հետ կապերի թիմերի հետ՝ էսկալացման կառուցվածքավորված մեխանիզմների միջոցով խնդիրները սահուն կարգավորելու համար։
• Տրամադրվածությունների և ապրանքանիշի առողջության մշտադիտարկում. hետևել առցանց հարթակների ամենօրյա տրամադրությանը, ապրանքանիշի հիշատակումներին և լսարանի արձագանքին՝ վաղաժամ հայտնաբերելով և ներկայացնելով հասարակայնության հետ կապերի գծով հնարավոր ռիսկերը կամ ճգնաժամ առաջացնող պատենցիալ գործոնները թիմերի ղեկավարներին։
• Հետադարձ կապ. hավաքագրել որակական տվյալները, հաճախորդների շրջանում հաճախակի հանդիպող խնդիրները և զարգացող համայնքային միտումները կոնտենտի հետագա պլանավորման համար SMM մասնագետներին և ստեղծագործական թիմերին ներկայացնելու նպատակով։
• Կոնտենտի հրապարակում և ժամանակացույց. hետևել հաստատված վիզուալների և տեքստային նյութերի վերջնական տեղադրմանը, ներբեռնմանը և հրապարակմանը ապրանքանիշի և ենթաապրանքանիշների ներկայացման բոլոր հիմնական ալիքներում, համայնքներում և բլոգում՝ համաձայն կոնտենտի հրապարակման սահմանված օրացույցի։
• Ինտերակտիվ նախաձեռնություններ․ aջակցել ինտերակտիվ համայնքային նախաձեռնությունների, ուղիղ հեռարձակվող «հարց ու պատասխան» ձևաչափով քննարկումների, մրցույթների և օգտատերերի կողմից գեներացված կոնտենտով արշավների իրականացմանը՝ ապրանքանիշի նկատմամբ հավատարմությունը և մասնակցությունը ընդլայնելու նպատակով։

Անհրաժեշտ հմտություններ

• 2+ տարվա աշխատանքային փորձ սոցիալական ցանցերում համայնքի կառավարման, հաճախորդների թվային սպասարկման կամ հանրության հետ թվային հաղորդակցության ոլորտներում (ֆինանսական ոլորտում փորձը կդիտվի որպես առավելություն)
• Գրավոր հաղորդակցման բացառիկ հմտություններ, բարձր էմպատիա, մասնագիտական դատողություն և խնդիրներն արագ կարգավորելու կարողություն
• Սոցիալական մեդիաների կառավարման ծրագրերի, համայնքի մոնիտորինգի և սոցիալական մեդիաների մշտադիտարկման գործիքների իմացություն (օրինակ՝ Meta Business Suite, Sprout Social)
• Ուշադրություն մանրուքների հանդեպ՝ ուղիղ եթերում տպագրական կամ ձևաչափի սխալների նկատմամբ զրո հանդուրժողականությամբ
• Խիստ ծանրաբեռնված ժամանակահատվածներում կամ հաճախորդների հետ զգայուն փոխգործակցության ընթացքում զուսպ, կարեկից և դիվանագիտական վարք դրսևորելու ունակություն:
• Քոփիռայթինգի և լեզվական գերազանց հմտություններ՝ քերականության, ոճի, տոնի և նրբերանգների գերազանց տիրապետմամբ։ Հստակ, գրավիչ և ապրանքանիշին համապատասխան կոնտենտ գրելու ունակությունը համարվում է պարտադիր։
• Հայերենի, ռուսերենի և անգլերենի գերազանց իմացություն