Բիզնես գործընկեր ՄՌԿ գծով

Աշխատանքի նկարագրություն

Մենք ձևավորում ենք ՄՌԿ գծով բիզնես գործընկերների թիմ՝ ստեղծելով ՄՌԿ թիմի և բիզնես ուղղությունների միջև համագործակցության նոր ձևաչափ։ Նպատակն է ավելի սերտ համագործակցության միջոցով անմիջականորեն նպաստել թիմերի արդյունավետության բարձրացմանը, զարգացմանը և կազմակերպական փոփոխությունների իրականացմանը։

Մեր նպատակն է աշխատակիցների և թիմերի կառավարմանն առնչվող որոշումները դարձնել բիզնեսի հաջողության կարևոր շարժիչ ուժ՝ աջակցելով ղեկավարներին ավելի ուժեղ թիմեր ձևավորելու, աշխատակիցներին՝ իրենց ներուժը լիարժեք իրացնելու և մասնագիտական զարգացումն ապահովելու, իսկ մարդկային ռեսուրսների կառավարման ոլորտում առաջացող մարտահրավերները՝ վերածելու գործնական լուծումների և իրական բարելավումների։

Որպես ՄՌԿ գծով բիզնես գործընկեր՝ Դուք կմիանաք Ամերիայի բիզնես ուղղություններից մեկին՝ դառնալով դրա ղեկավարների և թիմերի վստահելի գործընկերը։ Դուք կհամադրեք մարդկային ռեսուրսների կառավարման առաջնահերթությունները բիզնեսի կարիքների հետ:

Աշխատանքային պարտականություններ

• Համագործակցել բիզնես ուղղությունների ղեկավարների հետ՝ սահմանելու և առաջնահերթություններ տալու տվյալ ուղղության մարդկային ռեսուրսների կառավարման օրակարգին։
• Մշակել աշխատուժի պլանավորման և կազմակերպական կառուցվածքի զարգացման ծրագրեր՝ ներառելով հաստիքների քանակը, ծախսերը, անհրաժեշտ կարողություններն ու հմտությունները, թիմերի կառուցվածքը, գործառույթների հստակությունը և ապագա կարիքները:
• Կազմակերպել տաղանդների կառավարման, կատարողականի և զարգացման վերաբերյալ քննարկումներ, միաժամանակ արունակաբար կատարելագործելով համապատասխան գործընթացներն ու գործելակերպերը՝ հստակ ակնկալիքներ սահմանելու, կառուցողական հետադարձ կապ ապահովելու, զարգացման նշանակալի հնարավորություններ ստեղծելու և առաջնահերթություններ սահմանելու նպատակով:
• Նպաստել թիմերի արդյունավետության բարձրացմանը՝ կատարելագործելով ղեկավարների կառավարման գործելակերպերը,, հստակ հաշվետվողականության, արդյունավետ համագործակցության և աշխատանքի առողջ մշակույթի կիրառման միջոցով:
• Աշխատակիցների հետադարձ կապի հիման վրա նախաձեռնել և իրականացնել կոնկրետ բարելավումներ՝ աշխատակիցների փորձառության և թիմային միջավայրի բարելավման նպատակով։
• Առաջնորդել կազմակերպական փոփոխությունների իրականացմանը վերաբերող մարդկային ռեսուրսների կառավարման գործընթացները՝ ապահովելով հստակություն և աջակցելով թիմերին փոփոխությունների ու անցումային փուլերի ընթացքում։
• Օգտագործել բիզնեսի և անձնակազմի վերաբերյալ տվյալները՝ օրինաչափությունները բացահայտելու, առաջացող խնդիրների արմատական պատճառները պարզելու և հիմնավորված քայլեր ձեռնարկելու համար:
• Համակարգել համագործակցությունը ՄՌԿ համապատասխան ուղղությունների մասնագետների հետ, այդ թվում՝ տաղանդների ներգրավման, ուսուցման և զարգացման, կատարողականի կառավարման, վարձատրության և հատուցումների, աշխատանքային հարաբերությունների և այլ ուղղությունների շրջանակում՝ բիզնեսի կարիքներին արդյունավետ լուծումներ ապահովելու նպատակով։
• Աջակցել ղեկավարներին և աշխատակիցներին բարդ աշխատանքային իրավիճակների կարգավորման ընթացքում՝ ցուցաբերելով մասնագիտական դատողություն և հետևողականություն, ինչպես նաև հավասարակշռելով աշխատակիցների և բիզնեսի կարիքներն ու շահերը:

Անհրաժեշտ հմտություններ

• Նվազագույնը 5 տարվա փորձ ՄՌԿ ոլորտում, այդ թվում՝ Business Partner-ի պաշտոնում, ինչպես նաև կանոնավոր շփում միջին և բարձր օղակի ղեկավարների հետ:
• Աշխատուժի պլանավորման, տաղանդների կառավարման, արդյունավետության գնահատման, աշխատակիցների փորձառության, կազմակերպչական կառուցվածքի նախագծման և փոփոխությունների կառավարման ոլորտների խորացված գործնական գիտելիքներ:
• Զարգացած բիզնես մտածողություն՝ առաջնահերթությունները, փոխզիջումները, ծախսերը և կազմակերպչական հետևանքները հասկանալու ունակություն:
• Քոուչինգի և ֆասիլիտացիայի զարգացած հմտություններ, ինչպես նաև վստահություն՝ առանձին աշխատակիցների և թիմերի հետ կապված բարդ իրավիճակները հաղթահարելու գործում:
• Բիզնեսի և անձնակազմի տվյալների կիրառման փորձ, որն անհրաժեշտ է օրինաչափությունները, ռիսկերը և հատուկ ուշադրություն պահանջող ոլորտները բացահայտելու համար:
• Շահագրգիռ կողմերի հետ արդյունավետ աշխատանքի համար պահանջվող հմտություններ՝ վստահություն ձևավորելու, տարբեր տեսակետներ համադրելու և սեփական կարծիքը կառուցողական կերպով հիմնավորելու ունակությամբ:
• Նախաձեռնողականություն և ինքնուրույնություն՝ խնդիրների լուծման զարգացած հմտություններով և անորոշությունները վերացնելու ու բարդ իրավիճակները կարգավորելու ունակությամբ:
• Ողջամիտ դատողություն և հասունություն՝ բիզնեսի կարիքները, աշխատակիցների շահերն ու կազմակերպական ռիսկերը հավասարակշռելու ունակությամբ:
• Հայերեն, անգլերեն և ռուսերեն լեզուների գերազանց իմացությունը պարտադիր է: